ИЕРЕЙ (СВЯЩЕННИК) ЧТЕТ МОЛИТВУ СИЮ:

ГОСПОДИ БОЖЕ СЛАВЫ, ОТЧЕ ВСЕДЕРЖИТЕЛЮ, БОЖЕ САВАОФ, ИЖЕ ДРЕВОМ ЖИВОТА ПОСРЕДЕ РАЯ СУЩАГО, ПРООБРАЗИЛ ЕСИ ЖИВОТВОРНЫЙ КРЕСТ ЕДИНОРОДНАГО СЫНА ТВОЕГО: И ВМЕСТО ДРЕВА ПРЕСЛУШАНИЯ, ЕГО ЖЕ ВКУСОМ ВСЕЛУКАВЫЙ ЗМИЙ ПРАОТЦЫ НАША, И С НИМИ ВЕСЬ РОД ЧЕЛОВЕЧЕСКИЙ ИЗ РАЯ ИЗГНА, И В СМЕРТЬ ПРИВЛЕЧЕ, ЗНАМЕНИЕ ОНАГО ЖИВОНОСНАГО КРЕСТА, НА НЕМ ЖЕ ВОЗЛЮБЛЕННЫЙ ТВОЙ СЫН ПРИГВОЖДЕН БЫВ УМРЕ, И СМЕРТИЮ СМЕРТЬ УМЕРТВИ, И ВСЮ СИЛУ ДИАВОЛЮ УПРАЗДНИ, И ЖИВОТ МИРУ ДАРОВА, ЦЕРКВИ СВОЕЙ ОРУЖИЕ НЕПОБЕДИМОЕ, ОСВЯЩЕНИЕ ЖЕ И ПОКРОВ ДЕРЖАВЕН, И ВЕРЕ УТВЕРЖДЕНИЕ, И ОТ ВСЕХ ДИАВОЛЬСКИХ КОЗНЕЙ ИЗБАВУ, И КРЕПКОЕ СПАСЕНИЯ УПОВАНИЕ, И ЖИВОТА ПОЛУЧЕНИЯ НЕПОСТЫДНУЮ НАДЕЖДУ ДАРОВАЛ ЕСИ.
…
ДАЖДЬ ЕМУ БЫТИ ЗНАМЕНИЕМ СТРАШНЫМ И КРЕПКИМ НА ВСЯ ВРАГИ ВИДИМЫЯ И НЕВИДИМЫЯ, ПРОГНАНИЕ ЖЕ И ОТРАЖЕНИЕ ВСЕХ КОЗНЕЙ, НАВЕТОВ ЖЕ И ПРИЛОГОВ ДИАВОЛЬСКИХ: ЛЮДЕМ ЖЕ ТВОИМ ДА БУДЕТ ПОКРОВ ДЕРЖАВЕН, ВЕРЕ УТВЕРЖДЕНИЕ, НАДЕЖДЕ ПОДКРЕПЛЕНИЕ, ВО БРАНЕХ ПОБЕДА, И ВО ВСЕХ ДОБРОДЕТЕЛЕХ ПРЕСПЕЯНИЕ, И ВСЕМ ПРЕД СИМ ЗНАМЕНИЕМ ТЕБЕ КЛАНЯЮЩИМСЯ И МОЛЬБЫ ПРИНОСЯЩИМ МИЛОСТИВЕН ПОСЛУШАТЕЛЬ, И ВСЕХ ЯЖЕ КО СПАСЕНИЮ ПРОШЕНИЙ БОГАТЫЙ ПОДАТЕЛЬ БУДИ.
…

ИЕРЕЙ ЖЕ ЧТЕТ ТАЙНО МОЛИТВУ СИЮ:

БОЖЕ И ОТЧЕ ГОСПОДА НАШЕГО ИИСУСА ХРИСТА, ИЖЕ КРЕСТОМ ЕГО ДИАВОЛА ПОБЕДИВ И СМЕРТЬ УМЕРТВИВ, РОД ЧЕЛОВЕЧЕСКИЙ ОТ ЛЕСТИ И МУЧИТЕЛЬСТВА ЕГО СВОБОДИЛ ЕСИ: ПРИЗРИ НЫНЕ НА МОЛИТВУ НАШУ И НА ЗНАМЕНИЕ СИЕ КРЕСТНОЕ, В СЛАВУ ТЕБЕ БОГА ОТЦА И ЕДИНОСУЩНАГО ТВОЕГО СЫНА И СОЕСТЕСТВЕННАГО ТВОЕГО ДУХА, И В ВОСПОМИНАНИЕ ОНЫЯ БЫВШИЯ ПРЕСЛАВНЫЯ НАД ДИАВОЛОМ, СМЕРТИ ЖЕ И АДА ПОБЕДЫ, И НАШЕГО ИЗБАВЛЕНИЯ СООРУЖЕННОЕ, ДУХОМ ТВОИМ СВЯТЫМ, В ОКРОПЛЕНИИ ВОДЫ СЕЯ СВЯЩЕННЫЯ БЛАГОСЛОВИ И ОСВЯТИ И ИЗЛЕЙ НА НЕ БЛАГОСЛОВЕНИЕ ТВОЕ СВЯТОЕ И СИЛУ, ЮЖЕ ОКРОПЛЕНИЕМ КРОВЕ И ПРИГВОЖДЕНИЕМ ТЕЛА ВОЗЛЮБЛЕННАГО СЫНА ТВОЕГО ОНО ПРЕБЛАГОСЛОВЕННОЕ ДРЕВО СТЯЖАЛО ЕСТЬ: И ТОМУ ПОДАЖДЬ, ВО ЕЖЕ БЫТИ ВЕРНЫМ ЛЮДЕМ ТВОИМ В СТЕНУ И ПОКРОВ, И В СТОЛП КРЕПОСТИ ОТ ЛИЦА ВРАЖИЯ, ВО ОТГНАНИЕ ЖЕ ВСЯКАГО ЗЛА СОПРОТИВНАГО, И ВО ИСЦЕЛЕНИЕ ДУШЕВНЫХ, И ТЕЛЕСНЫХ НЕДУГОВ, И ВО ЕЖЕ УСЛЫШАННЫМ БЫТИ МОЛЬБАМ И МОЛЕНИЯМ ВСЕХ ВЕРНО ПРЕД СИМ ЗНАМЕНИЕМ МОЛЯЩИХ ТИ СЯ.
        
И ВОЗГЛАШАЕТ: ТЫ БО ЕСИ БОГ МИЛОСТИ, И ЩЕДРОТ, И ЧЕЛОВЕКОЛЮБИЯ, И ТЕБЕ СЛАВУ ВОЗСЫЛАЕМ, СО ЕДИНОРОДНЫМ ТВОИМ СЫНОМ, И С ПРЕСВЯТЫМ, И БЛАГИМ, И ЖИВОТВОРЯЩИМ ТВОИМ ДУХОМ, НЫНЕ И ПРИСНО, И ВО ВЕКИ ВЕКОВ.
…

ИЕРЕЙ ЖЕ КРОПИТ (КРЕСТ) СВЯЩЕННОЮ ВОДОЮ, ГЛАГОЛЯ:

ОСВЯЩАЕТСЯ КРЕСТНОЕ СИЕ ЗНАМЕНИЕ БЛАГОДАТИЮ ПРЕСВЯТАГО ДУХА, ОКРОПЛЕНИЕМ ВОДЫ СЕЯ СВЯЩЕННЫЯ, ВО ИМЯ ОТЦА, И СЫНА, И СВЯТАГО ДУХА, АМИНЬ  
…

Полный текст «Чина…» входит в состав богослужебной книги «Требник»

Видео-сюжет

Шатурской редакции телерадиовещания -

филиала ГТРК "РТВ-Подмосковье"

Выражаем глубокую признательность

архимандриту Никону, благочинному Клинского округа и настоятелю Троицкого собора города Клин иерею Евгению Малькову, главе сельского поселения Кривандинское Алексею Алексеевичу Смирнову и всем, принявшим деятельное участие в подготовке торжества.